En Ribeira sofocado un incendio nunha vivenda abandonada na rúa Mariño de Rivera

Dende o Grupo de Apoio e Emerxencias Municipal (GAEM) de Ribeira informan de que esta tarde foi sofocado un incendio dunha vivenda en aparente estado de abandono na rúa Mariño de Rivera da cidade, indo en dirección ao parque periurbano de San Roque.
A alerta prodúxose en torno ás catro e media e ata o lugar do lume acudiron GAEM, Bombeiros de Ribeira e Policía Local. Tamén foi mobilizada unha ambulancia do 061 por se houbese algunha vítima.
Afortunadamente, os danos foron unicamente materiais, ardendo diversos elementos como mobles, roupa e outros enseres.
Os traballos de extinción estendéronse ata as seis da tarde.