“Radio” – Xulio Xiz

30 Setembro 2026

Ter vivido dezasete anos en Radio Popular e dous na Radio Galega, convertéronme en home de radio por riba doutros medios que, se todos imprimen carácter, a radio ten tal personalidade, atractivo, engado, que quen a veza nunca a pode deixa,

Nos meus tempos de TVL téñenme dito que faciamos radio televisada, o cal me producía especial satisfacción. Por iso, cando no HULA me dixeron que ían darme radio, o primeiro que se me ocorreu foi que montaran unha emisora, e querían que fose falar das miñas produtivas incursións naquel especial mundo no que me teñen controlado e encantado.

É outra clase de radio, na que participan a diario moitos lucenses para solventar problemas médicos. Progresou tanto a ciencia médica – progresamos todos – que determinadas palabras deixaron de ter o seu mortífero significado, suavizando o seu sinónimo de traxedia.

Non é que a palabra “cancro” deixara de ter sentido, que segue dando que pensar, pero a ciencia e a detección precoz avanzaron de tal xeito, que xa entran dentro da nosa comprensión e conversación diagnósticos e tratamentos que non hai moito tempo arrepiaban.

Entro na sala de agarda da Radio e hai unha vintena de persoas expectantes; maquinaria e especialistas agárdannos; as máquinas están programadas para emitir na dirección do noso corpo que uns tatuaxes marcan.

Agora sei que hai emisoras de radio que emiten información, entretemento e cultura, para as ánimas que saben escoitar. E outras  benéficas cara o adentro de nós, atacando escuridades, dando vida eliminando elementos outrora mortíferos de necesidade. Sempre a radio, como elemento de vida. Que vivan as radios, para que vivamos nós.

Outros artigos

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

+

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas las culturas, que se embebió de...

+

Publicidade

Revista en papel

Opinión

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.