A Asociación Ambar das Persoas con Diversidade Funcional recibiu esta mañá martes, 28 de setembro ás 11:15h a visita da Conselleira de Política Social a ribeirense, Fabiola García Martínez, acompañada do Director Xeral de Maiores e Persoas con Discapacidade, Fernando González Abeijón; e da tenente alcalde do Concello de Ribeira María José Sampedro Fernández. Para visitar os servizos da entidade e anunciar que Ambar contará con dúas prazas máis para o seu centro ocupacional.
Na xornada tamén estiveron presentes Milagros Rey, presidenta de Ambar; Alicia Romero, secretaria da xunta directiva e coordinadora da área administrativa de Ambar; Helena Teira; coordinadora xeral de Ambar; e Rosana Olveira, coordinadora da área de Atención Diúrna. Fabiola García destacou o papel de Ambar como “Entidade de referencia en Galicia que leva 40 anos funcionando e apoiando ás familias das persoas con diversidade funcional” e quixo felicitar a
entidade polos servizos que presta e polo recente premio ao Desenvolvemento Rural 2021 de Agader: “Un premio moi merecido que valora o incansable traballo apoiando ás persoas con diversidade funcional”.
