O CEMMA denuncia que persisten as malas prácticas cos cetáceos. O acoso a Confi na ría de Muros, un exemplo do que non se debe facer

06 Agosto 2021

A plataforma CEMMA (Coordinadora para o Estudo dos Mamíferos Mariños) emitiu un comunicado no que volve poñer de manifesto que na costa galega seguen a existir malas prácticas respecto da nosa convivencia no mar cos cetáceos, malia que tamén se dean (cada vez máis) exemplos do contrario, como por exemplo o acontecido os días pasados en Taragoña, onde a providencial chamada dun camioneiro voluntario activou un dispositivo que permitiu salvar a catro golfiños. Respecto das malas prácticas, o CEMMA foi quen de detectalas novamente entre bañistas e tripulantes e pasaxeiros de navegacións de lecer, e tamén en embarcacións pesqueiras: “Cando unha persoa quere levar a cabo unha actividade marítima, o primeiro que ten que coñecer é a situación legal e despois usar o sentido común”, explica a coordinadora, que denuncia que “dende hai anos as mandas de arroaces, Tursiops truncatus, son perseguidas e acosadas durante o verán dende que sae o sol ata que se pon. Sobre todo cando frecuentan os principais portos deportivos de Galicia, entre eles destacan Baiona, Combarro, Sanxenxo e Portonovo”.

A coordinadora, se ben recoñece “o bo facer de moitos navegantes” (que cando detectan cetáceos no mar son respectuoso coa lexislación vixente e mesmo colaboran co CEMMA co rexistro destas especies), tamén quere poñer o foco nesta pequena pero significativa porcentaxe de persoas que “dende motos acuáticas e embarcacións deportivas persisten no acoso ás mandas”. Este problema tamén é extensíbel á actividade pesqueira: “Algúns mariñeiros tamén arremeten habitualmente contra eles cualificándoos de praga, esta visión, ademais de falsa, está totalmente distorsionada por uns intereses particulares sen motivo para esas conclusións”. Sobre este punto, a coordinadora lembra que os arroaces foron tradicionalmente masacrados en toda a costa e “que anualmente morren máis de 70 arroaces en toda Galicia por causa das actividades pesqueiras”.

Para a plataforma mariño-ambiental, o caso máis sangrante é a situación do arroaz Confi na ría de Muros, onde é tratado “dun xeito humillante e indigno tanto por navegantes como polos bañistas, levando a cabo actividades ilegais e puníbeis e mesmo con grande risco para a súa saúde e a súa vida”.

Por outra banda, a coordinadora recorda que nesta época “os arroaces teñen a súa época de nacementos” e que “todos os anos son atopados cachorros mortos que non sobreviven as primeiras semanas, estimándose que un 20% dos exemplares nacidos no ano non sobreviven, polo que esta situación incide negativamente na poboación”.

Protección

O réxime de protección dos arroaces, catalógaos como vulnerábeis de acordo co establecido no Real Decreto 139/2011, do 4 de febreiro, para o desenvolvemento do Listado de Especies Silvestres en Réxime de Protección Especial e do Catálogo Español de Especies Ameazadas e na que se da conta así mesmo das prohibicións expresas reguladas mediante o Real decreto 1727/2007, do 21 de decembro, polo que se establecen medidas de protección dos cetáceos.

Ambas lexislacións establecen prohibicións expresas no caso de natación, acoso e molestias deliberadas o que está suxeitos a multas.

Outros artigos

Publicidade

Revista en papel

Opinión

“La ausencia de los eméritos”. José Castro López

“La ausencia de los eméritos”. José Castro López

Se cumplieron diez años de la coronación de Felipe VI y el aniversario se conmemorócon un acto sencillo, alejado de la grandiosidad que suele dominar la esfera pública.Al Rey le tocó reinar en el peor momento para la institución monárquica por problemasheredados de su...