A Xunta de Galicia activou este martes a conta atrás cara ao Xacobeo 2027 mediante a instalación dun cronómetro na Oficina de Acollida ao Peregrino de Santiago de Compostela, un dispositivo que marca as xornadas restantes para o vindeiro Ano Santo xusto cando restan cen días para esa data tan sinalada
O presidente do Executivo galego, Alfonso Rueda, xunto co comisario do Xacobeo, Marcos Gómez Román, e o director de Turismo de Galicia, Xosé Manuel Merelles, encargouse de poñer en marcha este reloxo co que a Administración autonómica simboliza o comezo oficial dos preparativos para un evento que cualifica como un dos fitos máis sobranceiros a nivel europeo e unha grande oportunidade para todo o país
O Goberno galego leva meses deseñando unha programación diversa e inclusiva pensada para espallarse por toda a xeografía galega e manter a súa pegada máis alá do propio ano 2027, un marco no que o Plan de Patrocinios xa deu luz verde a 128 proxectos que serven de antesala durante este exercicio mentres se avalían máis de 700 propostas recibidas para determinar cales recibirán apoio definitivo
A estas accións engádese a nova convocatoria do programa O Teu Xacobeo, grazas ao cal entidades, profesionais e pequenas e medianas empresas xa desenvolven arredor de cincuenta actividades vencelladas á celebración, á vez que en outubro se prevé abrir outra liña de axudas dirixida a eventos programados para o 2027
De xeito paralelo, a Xunta pecha acordos de patrocinio con firmas galegas como Hijos de Rivera, Leche Río e Vegalsa-Eroski mentres ultima a estrea da campaña institucional do Xacobeo 2027
A estrea deste marcador prodúcese nun contexto de elevada afluencia nas rutas xacobeas, cun balance que supera xa as 454000 persoas que retiraron a compostela en Galicia no que vai de 2026, unha cantidade á que cómpre sumar todos aqueles camiñantes que completan etapas sen solicitar o documento á súa chegada a Santiago, elevando o rexistro dos sensores instalados nos diversos itinerarios ata preto de 736000 peregrinos contabilizados pola Xunta ao longo deste ano
