O conselleiro de Economía, Francisco Conde, acompañado do delegado territorial da Xunta na Coruña, Gonzalo Trenor, visitou este luns 2 de agosto o parque empresarial de Espiñeira, en Boiro, un dos beneficiarios das axudas postas en marcha pola Xunta para ofrecer “as mellores condicións de servizo ás empresas asentadas nos polígonos” e “facilitar a captación de novos investimentos”.
No Polígono de Espiñeira, parque que obtivo dúas destas axudas (cun importe que supera os 183.000 euros, destinados a mellorar pavimentado, sinalización, beirarrúas e instalación de colectores) co que se agardan mobilizar 230.000 euros), recibiunos o alcalde, José Ramón Romero.
“Boiro”, dixo o conselleiro, “é un exemplo de dinamismo de actividade empresarial que temos que seguir apoiando a través da colaboración entre a Xunta e o Concello e, polo tanto, o Polígono Espiñeira ten que seguir demostrando que é un motor de xeración de emprego e un motor para atraer novos investimentos, como xa o está a facer”.
