Comezan as obras para a instalación de auga na totalidade das vivendas da parroquia de Bealo

19 Agosto 2021

O Concello de Boiro informou do inicio (esta semana) das obras para a instalación de auga para consumo na parroquia de Bealo. Con esta actuación, financiada con cargo ao Plan Único (POS 2020) da Deputación da Coruña, vanse completar as actuacións para a dotación de auga potábel nas vivendas na dita parroquia que quedaron sen servizo nas dúas primeiras fases da execución deste proxecto. O alcalde, José Ramón Romero, e o concelleiro de Urbanismo e Obras, Luis Ruiz, visitaron este 19 de agosto o lugar onde se comezaron a executar os traballos.

Romero e Ruiz informaron de que durante os anos 2018 e 2019 o Concello de Boiro acometeu en dúas fases actuacións para fornecer do servizo básico de auga ás vivendas da contorna, que con esta terceira fase da actuación (que comeza a desenvolverse esta semana) cúbrese a parte dos domicilios que ficaba pendente, “unha demanda histórica da veciñanza de Bealo que aínda non dispoñía deste servizo básico”, sinalaron.

A actuación consta dun orzamento total de 242.729,76 euros. Con ela, vaise dar servizo ás vivendas máis afastadas da rede principal de abastecemento. Coa actuación preténdese executar a zona lateral dos beirís seguindo o trazado das vías existentes, dun total de 5.160 metros repartidos en seis tramos para proceder á instalación do tubo principal de abastecemento.

Logo desta actuación vaise levar a cabo a conexión do abastecemento a cada vivenda, que se vai realizar en arqueta e con chave de corte, para logo repoñer o pavimento danado. Para a execución desta obra, o Concello de Boiro conta co financiamento da Deputación da Coruña, a través do Plan Único (POS 2020).

Outros artigos

O Concello de Boiro impulsa os xogos tradicionais nas parroquias

O Concello de Boiro leva os xogos tradicionais ás parroquias mediante o programa Xogantina para fomentar o os xogos populares e inclusivos. No marco desta actividade vaise desenvolver unha xornada de actividades lúdicas tradicionais destinada aos centros de ensino e...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...