Sanidade vai facer un cribado en Boiro para detectar asintomáticos entre a xente nova

O Concello de Boiro confirmou este 13 de xullo que o SERGAS vai facer un cribado á poboación para idades comprendidas entre os 16 e os 29 anos. As probas realizaranse entre a tarde deste martes 13 e a mañá do mércores 14 no Centro de Saúde de Boiro.

En total van ser citadas vía SMS arredor de 2.400 persoas desta franxa de idade para a realización das probas que se van realizar esta tarde entre as 15.30 e as 21.30 horas e mañá de 9.00 a 14.00 horas.

O Concello solicitou o cribado “tendo en conta o aumento de casos entre a poboación máis moza” e co obxectivo de avaliar as idades con maior incidencia e detectar posíbeis casos asintomáticos e frear o espallamento do virus.

Dende o Concello de Boiro solicitase a colaboración da veciñanza e a asistencia ao cribado para poder frear a expansión do virus e o que número de contaxios deixe de medrar.