Ribeira reparte de balde guías adhesivas sobre a nova tarifa eléctrica

A nova tarifa eléctrica provocou diversos cambios nos hábitos da cidadanía, que en moitos casos seguen a ter problemas para entender como funciona este novo plan. Para poñer solución a esta cuestión, o Concello de Ribeira vén de editar unha guía informativa adhesiva co obxectivo de facilitar a comprensión dos horarios aplicables na nova tarifa eléctrica.

Así, deseñouse un pequeno imán que se pode adherir á porta dos electrodomésticos no que, a través das cores dun semáforo, permitirá saber en que tramo horario nos atopamos (val, chan ou punta). O Concello fixo unha tirada inicial de 3.000 unidades, e pódense recoller de balde na Oficina Municipal e Información ás Persoas Consumidoras, na Casa do Concello e no Departamento de Servizos Sociais.