Ante o aumento da demanda actual de espazos lúdicos abertos para a poboación, propúxose a iniciativa da recuperación do Parque de San Roque, por parte do Concello de Ribeira, como unha área educativa e recreativa
baseada na convivencia, coidado e respeto pola natureza colaborando coa conservación da nosa herdanza paisaxística.
O proxecto, que foi presentado pola concelleira Maria Sampedro e polo colaborador Suso Bello, xira arredor do acondicionamento de zonas comúns, actividades medio ambientais, culturais, deportivas, e dinamización social. Todo un conxunto de recursos co único fin de aportar, axudar e crecer co entorno.
Xa se poden observar as primeiras tarefas de limpeza e neste momento, estase a preparar unha das actividades más fermosas e sentidas do parque. “Adopta unha árbore”, no que os padriños e madriñas faranse cargo dos coidados da árbore que escollan. Unha homenaxe a un ser querido, acercar aos cativos a natureza, un agarimo entre amigos, unha meta que alcanzar… Calquera pode participar nesta actividade que ten como obxectivo contribuír á rexeneración do bosque autóctono do parque.
O sábado 7 de agosto será a festa da adopción. As 9:30 os participantes da actividade partirán dende a praza do concello ata o parque. Entre a 10:00 e as 11:30 farase un roteiro polo parque para visitar as árbores apadriñadas. Haberá xantar popular dende as 12:30 amenizado con actuación musical e contacontos.
Festival “Raíces” – O Río conta historias O Río conta historias é una actividade que pretende converter o Lavadoiro nun escenario no que potenciar actividades relacionadas coa historia.
A actividade está pensada para recuperar a toponimia do lugar, e dotar de identidade ao lavadoiro do Río Pedrín en torno a actividades de formato pequeno no que dar cabida a espectáculos de narración oral.
Nesta ocasión contamos co espectáculo “Elas”, no que as protagonistas son as mulleres,con temáticas que van dende a nosa lingüística ao redor do auga até a consideración histórica e social da muller, pasando polo folclore ou a hidrotoponimia.
“Elas”é un espectáculo onde a narración oral se mestura coa música para dar lugar a unha proposta que lles devolvaás donas dos ríos o recoñecemento que poucas veces tiveron.
O evento será o Domingo 15 de agosto ás 12:00.
