O delegado da Xunta na Coruña, Gonzalo Trenor, informou este 21 de xuño da resolución dos obradoiros de emprego de Garantía Xuvenil, para mozos e mozas menores de 30 anos. Segundo fixo saber, mediante esta iniciativa a Xunta investirá na provincia da Coruña 2,5 millóns de euros para formar a 111 alumnos-traballadores en sete obradoiros nos concellos de Santiago de Compostela, Teo, Mancomunidade de Ordes, Rois, A Coruña, Arteixo e Ribeira.
Na comarca do Barbanza, Ribeira porá en marcha un obradoiro de Pavimento e albanelería de urbanización. En total formaranse a 16 alumnos, cun investimento de máis de 369.000 euros.
Cando se abra o proceso de selección para o próximo ano realizarase a través das oficinas de emprego. No caso dos obradoiros xuvenís, os participantes deberán tamén estar inscritos no Sistema de Garantía Xuvenil e as actividades que realicen estarán relacionadas, de ser o caso, coa titulación ou formación previa que posúan. Primaranse a aqueles participantes que non recibiran atención anteriormente no programa de Garantía Xuvenil.
