A pasada finde (o sábado 12) a comunidade do CEIP Sobrado de Nebra (Porto do Son), formada por nenas, nenos, familias e profesorado, participou nunha andaina solidaria dirixida a recadar apoios para a Cruz Vermella de Noia.
Na experiencia, un percorrido guiado de seis quilómetros (no que os guías foron os propios escolares, dando conta dos tesouros ambientais, arquitectónicos e culturais que lles ían saíndo ao paso), participaron case 100 persoas.
Colaboraron a Cruz Vermella de Noia e a Policía Local.
Por certo que entre as fileiras dos camiñantes solidarios había representantes de até tres xeracións diferentes dentro dunha mesma familia.
A iniciativa tivo a súa orixe na aula de primeiro e segundo de Primaria, baixo o lemaCambiamos quilómetros reais por virtuais.