Iniciadas as tarefas de roce en todos os núcleos de Boiro

O Concello de Boiro vén de comezar as tarefas de roce que cada ano se realizan previas á época estival. Os traballos iniciáronse a principios da semana pasada e levaranse a cabo en tódolos núcleos do termo municipal.

As actuacións estanse a realizar prioritariamente naqueles lugares onde poden supoñer un perigo por motivos de visibilidade tanto de condutores como de peóns, ou para a prevención de incendios, e iranse realizando de xeito progresivo nos vindeiros días.

Os traballos nestas vías, pistas e camiños municipais realízanse de xeito mecánico e manual para adaptarse ás necesidades propias de cada espazo.