Este domingo celébrase o Torneo Online de Xadrez Cidade de Ribeira

O Concello de Ribeira, a través da Concellería de Deportes, o Club de Xadrez Pósito e a Escola de Xadrez Brétema van organizar este domingo 6 de xuño, en modalidade online (co fin de garantir ao máximo a seguridade sanitaria das e dos participantes), a nova edición do Torneo de Xadrez na Internet Cidade de Ribeira.

O inicio será ás 20 horas e a conclusión ás 22 horas. Haberá unha categoría única para todas as idades e trofeos para os tres primeiros na clasificación xeral, os tres primeiros sub12 e os tres primeiros locais.

As inscricións pódense formalizar de balde a través da conta de correo xadrezbretema@hotmail.com.

O servidor estará habilitado a través de Lichess.org.