En Ribeira, aberto o prazo de presentación de solicitudes para os Bonos Concilia Verán

01 Xuño 2021

A partir de mañá mércores 2 de xuño e ata o 10 de agosto (ou ata que se esgote o crédito orzamentario destinado para esta finalidade) ábrese o prazo de presentación de solicitudes para o Bono Concilia CampaRibeira Verán 2021, segundo informou o Concello de Ribeira, que confirma que estas axudas están destinadas a familias con nenos e nenas de tres a doce anos que teñan a súa residencia no municipio para “a súa participación e asistencia en campamentos de conciliación da vida familiar e laboral durante os meses de xullo e agosto do 2021 organizados por empresas e autónomos con domicilio social no concello”.

A concelleira María Sanpedro presentando a iniciativa de conciliación

Poderán ser beneficiarias das axudas os/as pais/nais/titores ou aquelas persoas que teñan en situación de acollemento familiar ou garda preadoptiva a nenos e nenas de tres a doce anos de idade nacidos con posterioridade ao 31 de agosto de 2008 e empadroados no municipio de Ribeira.

O Concello de Ribeira dispón dun orzamento total de vinte mil euros (20.000,00 €) para destinar a esta convocatoria.

Establécense dúas modalidades:

• No caso de familias nas que ambos os proxenitores estean a traballar ou teletraballando, ou o único no caso de familias monoparentais ou con custodia non compartida, a axuda poderá alcanzar un máximo do 50% do custo da contratación, cun límite máximo de 100 €/mes por participante, cunha axuda máxima total de 200 €. No caso de familias numerosas debidamente acreditadas, a axuda poderá alcanzar un máximo do 60% do custo do campamento, cun límite máximo global de 120 €/mes por participante e supoñendo unha axuda máxima total de 240 € por participante.

• Para o resto de familias a axuda poderá alcanzar un máximo do 50 € do custo da contratación, cun límite máximo de 50 €/mes por participante, ata un máximo de 60 participantes, cunha axuda máxima total de 100 €. No caso de familias numerosas debidamente acreditadas, a axuda poderá alcanzar un máximo do 60% do custo do campamento, cun límite máximo global de 60 €/mes por participante e supoñendo unha axuda máxima total de 120 € por participante.

As solicitudes presentaranse no Rexistro Xeral do Concello (Praza do Concello, s/n) ou por calquera do vos medios previstos no artigo 16.4 da Lei 39/2015 de procedemento administrativo común das administracións públicas, que estean habilitados.

Outros artigos

O Concello de Ribeira xa dispón do seu propio bastón

Entrega do bastón de mando (imaxes de José Manuel Martínez, Concello de Ribeira) Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no...

+

Ribeira homenaxea este martes á actriz Susana Sampedro

Este martes 25 de xuño o Concello, a Corporación e a cidadanía de Ribeira van render homenaxe á actriz local Susana Sampedro (Ribeira, 1978), recentemente distinguida co Premio Mestre Mateo 2024 á mellor actriz de reparto na longametraxe Matria, de Álvaro Gago,...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....