Carreira pola Diversidade – Venres 11 apertura inscricións

Este venres 11 de xuño de 2021 ábrense as inscricións da VII Carreira pola Diversidade da Asociación Ambar das Persoas con Diversidade Funcional na páxina cronotec.es.

A carreira celebrarase o domingo 11 de xullo do 2021 ás 10:00h na explanada de Coroso, Ribeira. Baixo o lema “Salvando distancias” a carreira volve a poñer en valor a importancia do deporte inclusivo como ferramenta de transformación social e fai fincapé na importancia da participación e inclusión efectiva das persoas con diversidade funcional. Xa que ó final as distancias entre nós non son tantas.