O Concello de Boiro, a través da Concellería de Cultura, organiza para este 2021 unha programación especial con motivo das Festas do Verán, con espectáculos para todas as idades e gustos e adaptada á normativa vixente para o control da situación epidemiolóxica. A axenda das Festas do Verán comeza o venres día 2 de xuño e vaise prolongar ata o mércores día 7. Haberá propostas durante o día (comezando coas alboradas) e durante e noite, incluíndo sesións vermú, todos os días, ás 12.00 horas con grupos locais.
Tamén pola mañá haberá programación infantil no Parque da Cachada, con espectáculos e representacións teatrais para os máis pequenos. Respecto dos concertos, contarase coa banda local The Lákazans, as cantantes Guadi Galego e Sonia Lebedinsky e a banda viguesa Broken Peach, entre outras moitas agrupacións e solistas.
A programación nocturna divídese en dúas localizacións, unha na praza da Terceira Idade, detrás do Centro Social de Boiro, e outra na praza de Galicia e nas dous haberá programación destinada a públicos diferenciados.
Os espectáculos son todos gratuítos e para asistir é precisa a reserva previa de entrada, que se poderá facer a partir deste xoves 24 de xuño ás 10.00 horas a través dos formularios web dispoñíbeis en www.boiro.gal.
A Concellería de Cultura fai saber que “a capacidade para todas as actuacións é limitada”, xa “que todas se van a realizar co publico sentado, lugares asignados previamente e control de acceso”. Amais, “o uso de máscara de protección será obrigatorio en todo momento”.
Ademais destes espectáculos, o sábado celebrarase o pregón das festas, que este ano está adicado ás mulleres que coidan e serán elas as encargadas de dar inicio ás festas de Boiro deste 2021. O domingo, ás 00.00 horas realizarase en Barraña a gran tirada de fogos artificiais.
De xeito complementario á programación cultural, o Concello edita este ano unha nova edición de Folía, a revista que cada ano se publica con motivo das Festas do Verán e que, ademais do programa de celebracións recolle testemuñas das protagonistas deste ano, as mulleres que coidan, textos de persoeiros locais e imaxes das festas.
Un ano máis a revista está editada de xeito íntegro polo Concello de Boiro e inclúense os anuncios de comercios e empresas do municipio que cada ano colaboran coas festas do verán, sendo o patrocinio totalmente gratuíto como mostra de agradecemento ao grande esforzo que realizaron no último ano de pandemia.
Programa completo
Venres 2 de xullo
20.00 horas – Salvas dando comezo ao inicio das Festas do Verán 2021
22.30 horas – Praza da Terceira Idade (Centro Social de Boiro)
Concerto Rap cos artistas do colectivo A Costa Nosa (Borja Treus, Kevin Dominguez, Adrián Outeiral, Lois Cespón e Xacobe Galbán)
22.30 horas – Praza do Concello
Boiro Emerxe con The Lákazans + Sonia Lebedynski + Paula Agoraphobia + Dolo e Pablo de Cachas and Cousins
Sábado 3 de xullo
10.00 horas – Alborada co grupo de gaitas Os pequenos do Barbansa
12.00 horas – Sesión vermú con Batucada Latexo
12.00 horas – Parque da Cachada
Teatro familiar con O Pallaso Fredy
22.15 horas – Praza de Galicia (diante do Concello)
Pregón das festas a cargo das mulleres coidadoras, homenaxeadas nas festas 2021
22.30 horas – Praza da Terceira Idade (Centro Social de Boiro)
Copa Turbo + artista convidada en colaboración don DaRíaLuv
22.30 horas – Praza de Galicia
Verbena con Gallaecia Big Band “As cancións da nosa vida”
Domingo 4 de xullo
10.00 horas – alborada co grupo de gaitas Arume
12.00 horas – Sesión vermú con Nunca é Tarde
12.00 horas – Parque da Cachada
Teatro familiar con O Mago Teto
21.30 horas – Praza da Terceira Idade (Centro Social de Boiro)
Espectáculo de baile tradicional con Aroña
22.30 horas – Praza de Galicia
Guadi Galego
24.00 horas – gran tirada de fogos de artificio na praia de Barraña
Luns 5 de xullo
10.00 horas – Alboradas co grupo de gaitas Arume
12.00 horas – Sesión vermú con As da Boina
12.00 horas – Parque da Cachada
Teatro familiar con Teatro ao Cubo
21.30 horas – Praza da Terceira Idade (Centro Social de Boiro)
Noite coas Muchachas
22.30 hora – Praza de Galicia
Compañía de danza Fran Sieira co espectáculo “Entre os Soños”
Martes 6 de xullo
10.00 horas – Alborada con Arume
12.00 horas – Sesión vermñu con Adorniña de Abanqueiro
12.00 horas – Parque da Cachada
Teatro familiar con Aimar & Cía
21.30 horas – Praza da Terceira Idade (Centro Social de Boiro)
Espectáculo de baile tradicional con Abeloura
22.30 horas – Praza de Galicia
Verbena con Broken Peach
Mércores 7 de xullo
10.00 horas – Alborada co grupo de gaitas Arume
12.00 horas – Sesión vermú coa charanga Vai de Baile
12.00 horas – Parque da Cachada
Teatro familiar con Sempre Arriba
21.00 horas – Praia de Barraña
Teatro infantil con Opera Breaks (espectáculo dentro da Rede Cultural da Deputación da Coruña)
21.30 horas – Praza da Terceira Idade (Centro Social de Boiro)
Espectáculo de baile tradicional galego con Xilbarbeira
22.30 horas – Praza de Galicia
Verbena coa orquestra Marbella
