Os empresarios de Ribeira entregan este sábado o cheque do Día do Nai e inauguran a II Feira do Automóbil

28 Maio 2021

A Asociación de Empresarios de Ribeira é protagonista esta fin de semana dunha serie de iniciativas para revitalizar o comercio local e dinamizar a localidade. En primeiro lugar, a patronal fixo saber que este 28 de maio é a xornada elixida para que a persoa premiada co vale de 1.000 euros da campaña do Día da Nai, a ribeirense María Queiruga, faga efectivo o seu premio.

A campaña, impulsada pola Asociación de Empresarios, encamiñouse a fortalecer o comercio local e a recoñecer e premiar a fidelidade da veciñanza que aposta polos establecementos de proximidade.

O premio consistiu nunha tarxeta bancaria con un importe de 1.000€ menos a retención dos impostos obrigatorios, o asesoramento dun/unha personal shopper e un coche con chofer para levar á persoa agraciada aos establecementos que elixa (previamente á xornada deste sábado) para gastar o premio.

Ás 13.00 horas, o vicepresidente segundo da Xunta e conselleiro de Economía, Empresa e Innovación, Francisco Conde fará entrega da tarxeta bancaria co importe da cantidade do premio.

Presentación da nova edición da Feira do Automóbil Híbrido e Eléctrico de Ribeira

II Feira do Automóbil Híbrido e Eléctrico

O acto coincide coa visita do conselleiro á segunda edición da Feira do Automóbil Híbrido e Eléctrico, que é a outra gran actividade que protagoniza esta finde a Asociación de Empresarios de Ribeira, organizadora do evento.

Celebrarase na praza de España, en Ribeira, durante os días 28, 29 e 30 de maio. O horario de apertura ao público será de 10.00 a 21.00 horas. Segundo informa a asociación, poderemos atopar vehículos de vangarda das principais marcas de automóbiles do mercado: Citroën, Toyota, Ford, Renault, BMW, Nissan, Mercedes, Kia, Hyundai e Peugeot.

As persoas interesadas nos modelos que se van presentar na feira, na que se porá o foco nos vehículos máis sustentábeis que se poden atopar nos concesionarios da nosa comarca (híbridos e eléctricos principalmente), terán ocasión de probalos e contarán, para coñecer todas as súas prestacións, coa axuda de persoal especializado.

A entrada será gratuíta.

Outros artigos

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...