O Concello de Porto do Son proseguiu na recta final de abril coa súa liña de acción para mellorar servizos, vías e infraestruturas. Algúns destes traballos puxeron o foco na vindeira tempada turística, como por exemplo os labores despregados para mellorar o acondicionamento da praia do Dique, na parroquia de Queiruga, un dos tesouros naturais do concello. Os operarios municipais traballaron estes días na accesibilidade do camiño que leva ao areal, ao que, como lembraremos, só se pode chegar camiñando a través dun sendeiro forestal que precisa mantemento periódico.
Asemade, os operarios acondicionaron e rozaron os accesos da Silva, Goiáns.
E, por outra banda, tamén traballaron en mellorar os camiños das parroquias de Queiruga e Caamaño.
