21.00 Os equipos de emexencias dan por controlado o incendio que afectou á conserveira Jealsa, en Boiro.
O lume iniciouse as 14:30 na zona do conxelado. A virulencia das lapas dificultou a extinción do incendio, no que traballan os Bombeiros de Boiro, Ribeira, Ribadumia e Santiago, os membros do GES de Noia, Sanxenxo e Muros, os efectivos de Protección Civil de Boiro, Ribeira, A Pobra do Caramiñal, Noia e Cambados, equipos de Salvamento Marítimo e Gardacostas Galicia.
Tamén, no punto, atópanse os membros do Grupo de Apoio Loxístico da AXEGA, dotacións do Servizo Provincial de Incendio e técnicos da empresa subministradora de enerxía da zona, así como, os axentes da Policía Local, da Garda Civil e as autoridades medioambientais da Xunta de Galicia.
Afortunadamente, non hai que lamentar danos persoais.
Así mesmo, por precaución, 25 vivendas da zona foron desaloxadas e 60 persoas tiveron que ser evacuadas a causa do fume provocado. Todas atopábanse ben e xa poden volver as súas casas.
A media tarde, tal como vivos informando en O Barbanza, e coas causas do lume aínda por dilucidar, o que máis preocupaba eran precisamente os depósitos de amoníaco, polo dano ambiental que podería desatarse se chegasen a arder. Por iso é polo que se actuase por «terra, mar e aire» para tratar de aplacar as chamas. Segundo indicou o vicepresidente primeiro da Xunta, Alfonso Rueda, desde o lugar, a estratexia centrouse en que desde terra os efectivos de Bombeiros estenden escaleiras para chegar ás naves que estaban a arder, mentres que os helicópteros arrefriaban as cubertas das zonas nas que se rexistraban os focos. «Téntase salvar unha parte importante da fábrica», manifestou Rueda, que precisou que «se está atacando o lume desde fóra e tentando que non se propague» ás partes «sensibles».
Unha vintena de vehículos e medio centenar de efectivos de distintos corpos (bombeiros de Boiro, Ribeira e Ribadumia, GES de Noia, Protección Civil de Boiro), ademais de equipos de Salvamento Marítimo e dos Garda Costas de Galicia participaron no control do lume, que se logrou en torno das 20.30 horas segundo comunicaron fontes do 112. Sobre os danos ocasionados, ningún humano, o director xeral de Jealsa, Cristóbal Valdés explicou que o incendio se iniciou na «parte traseira» das instalacións, a zona de «expedición de peixe», mentres que a propia planta «non está afectada». Sen atreverse a cuantificar as perdas, o responsable avogou por esperar a ver como avanza a situación para facer unha valoración dos danos causados e aclarou que dada a súa capacidade de almacenaxe «serán capaces de atender aos clientes sen problema» pese ao revés sufrido.
