Por causas de forza maior cambia o programa das charlas culturais complementarias á exposición “Cinco artistas do Barbanza” que está a exhibir o Centro Cultural Lustres Rivas.
Así, o xoves 20 de maio ás 20.30 horas terá lugar de Xosé Antonio Ventoso Mariño sobre o pintor Xoán Fernández.
Unha semana máis tarde, o xoves 27 ás 20.30 horas, Manuel Cartea disertará sobre Manuel Ayaso e Eva Veiga sobre Alfonso Costa.
E o mércores 2 de xuño ás 20.30 horas haberá unha charla sobre a escultora Soledad Penalta a cargo de Juan Monterroso Montero.
O aforo estará limitado a 20 asistentes. Será imprescindible reservar con antelación enviando un correo a culturaefestexos@ribeira.gal indicando nome, apelidos, número de asistentes e teléfono de contacto.
Colaboran a Fundación Museo de Artes e a Asociación Barbantia.
