A soprano Loli Crespo e o pianista Alejo Amoedo ofrecen en Rianxo o concerto Saudades d’Alborada

Na xornada do 15 de maio, ás 20.30 horas, a Sala Arcos Moldes do Auditorio de Rianxo albergará un concerto de baladas e zarzuelas galegas a cargo de Loli Crespo (soprano) e Alejo Amoedo (piano). O concerto Saudades d’Alborada virá precedido da presentación do traballo discográfico do mesmo nome editado por Dos Acordes, incluíndo unha breve conferencia a cargo de Javier Jurado, profesor e responsábel da editorial, sobre os compositores e as obras incluídas nel.

Esta proposta enmárcase no Programa de Música de Cámara-IV Ciclo Novos Intérpretes da EMR e o Concello de Rianxo 2021, que se inicia con esta actividade e no que se inclúen outras 8 propostas, que se desenvolverán no Auditorio de Rianxo ao longo do presente ano.