SumaRibeira anuncia unha completa batería de propostas para mellorar a mobilidade e a accesibilidade

23 Abril 2021

SumaRibeira anunciou que vai propor en pleno unha batería de medidas específicas para “mellorar a mobilidade e accesibilidade das persoas con discapacidade”. Proporanse, engade a agrupación, compromisos concretos con partidas orzamentarias explícitas e máis unha auditoría periódica para comprobar o nivel de execución de ditas partidas.

Suma Ribeira, a través de seu concelleiro, Xurxo Ferrón, presenta esta iniciativa “dende o convencemento de que son necesarias medidas concretas, non só xenéricas, de cara a procurar a equiparación de dereitos que permita falar dunha integración real das persoas con discapacidade en todo o municipio, e a prol do principio de igualdade de oportunidades”.

A proposta de Suma Ribeira recolle unha serie de actuacións concretas coas que emendar unha lexislación e principios básicos “que se veñen amosando insuficientes para que quen ten discapacidades vexa diminuír as diferencias no cotián con quen nos as padece”.

Entre estas medidas, cómpre salientaras seguintes:

-Firme compromiso de cumprir “o nivel cero” en todos os pavimentos de nova construción, así como a revisión e posterior adaptación dos existentes.

-Aplicación rigorosa da actual Lei de Accesibilidade, que imposibilite a exclusión de ningunha veciña a establecementos públicos ou privados, con independencia do estado da súa discapacidade.

-Revisión de ramplas invasoras nas vías públicas.

-Revisión das baixantes de todas as beirarrúas e que sexan dotadas todas dun sentido de retorno.

-Sinalización das entradas de garaxes con cambios de pavimentos ou sinais fluorescentes para unha

maior autonomía das persoas con problemas visuais.

-Revisión dos pasos de peóns e estudo do pintado de sinalización con pictogramas nos pasos

próximos aos colexios para a integración das persoas autistas ou con discapacidade intelectual.

-Incorporación de semáforos acústicos.

-Incorporación de vehículos adaptados no transporte público.

-Favorecer o acceso ás praias, incorporando tamén mecanismos que fagan efectivo o goce do baño para as persoas con mobilidade reducida. Valorizar os areais do municipio como Destino Turístico de Integración.

-Revisión de parques infantís, incorporando mecanismos e xogos adaptados a todos os grupos infantís.

-Potenciar rutas de sendeirismo inclusivas e adaptar sempre que sexa posíbel as rutas xa existentes.

-Adquirir libros para as bibliotecas adaptados a todo tipo de lectores.

-Avanzar no superación do cumprimento, máis do legalmente establecido, das prazas de emprego

reservadas a estes colectivos.

-Inclusión nos orzamentos dun capítulo que explicite a cantidade e porcentaxe do investimento en

infraestruturas adicadas á diminución de barreiras á accesibilidade.

-Mención explícita no Informe de Intervención Anual da Conta Xeral do orzamento executado na

diminución das ditas barreiras.

Para Suma Ribeira, estas medidas “contribuirán a instaurar de forma progresiva o real principio de

igualdade dos servizos, para xerar unha maior autonomía persoal universal, minorando as dificultades comparativas que teñen que afrontar nestes momentos as persoas con disfuncionalidades”.

Outros artigos

O Concello de Ribeira xa dispón do seu propio bastón

Entrega do bastón de mando (imaxes de José Manuel Martínez, Concello de Ribeira) Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no...

+

Ribeira homenaxea este martes á actriz Susana Sampedro

Este martes 25 de xuño o Concello, a Corporación e a cidadanía de Ribeira van render homenaxe á actriz local Susana Sampedro (Ribeira, 1978), recentemente distinguida co Premio Mestre Mateo 2024 á mellor actriz de reparto na longametraxe Matria, de Álvaro Gago,...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....