Presentadas doce ofertas ao pavimentado dun camiño na Gándara (Artes)

O Concello de Ribeira informa de que un total de doce ofertas foron presentadas ás obras de pavimentado dun camiño no lugar de Gándara, na parroquia ribeirense de Artes.

A intención é dotar ao citado camiño dun novo aglomerado asfáltico (incluíndo os sobreanchos que están actualmente en terra), previo acondicionamento da superficie a pavimentar.

O prezo de licitación ascende a 34.413 euros, IVE incluído. A intervención enmárcase no Plan Provincial de Cooperación ás Obras e Servizos de Competencia Municipal (Plan Único de Concellos) POS+ 2020.

O prazo de execución son dous meses.