O Concello de Porto Son vén de compartir novas imaxes sobre o resultado dos traballos levados a cabo para humanizar, acondicionar e pór en valor a igrexa de San Martiño de Miñortos e a súa contorna, un espazo monumental de gran importancia histórica, artística e cultural. Entre outras accións, substituíse o firme existente de asfalto por materiais de pedro tradicionais, moito máis acordes cos elementos circundantes. Como lembraremos, nesta contorna conflúen o templo, o cruceiro e máis a casa reitoral.
Estes traballos en Miñortos abéiranse ao plan do Concello para recuperar e pór en valor as contornas históricas dos seus máis de cen núcleos rurais tradicionais, que ao longo dos pasados anos, segundo informou o Goberno local, foron obxecto de “obras bastante desafortunadas” que afectaron negativamente ao seu valor estético e histórico.
Amais dos ditos traballos levados a cabo en Miñortos, o Concello tamén informou dos labores desenvolvidos na parroquia de Xuño para mellorar os seus accesos.
