O Concello de Boiro volve abrir esta fin de semana a área de autocaravanas de Praia Xardín, que ficaba pechada a consecuencia da situación sanitaria. O servizo retoma a súa actividade dende este venres 12 de marzo e manterase operativo dependendo de como evolucione a situación sanitaria, garantindo, ao mesmo tempo, que se cumpran as medidas de seguridade.
Os operarios municipais acondicionaron esta semana o espazo para que esta fin de semana volva estar dispoñíbel. Os traballadores realizaron arranxos e melloras no sistema de control de acceso, rozaron a contorna e puxeron a punto os separados das prazas de vehículos para que “todo estivera listo para a reapertura desta fin de semana”.
