A produtora Xurdir, estrea o xoves 25 de Marzo no Auditorio Municipal do Concello de
Ribeira, o documental: “RIBEIRA, AMAR a primeira vista”. O documental trata sobre a
industria e a actividade económica neste Concello; nel refléxase o traballo e a riqueza
que xeran neste momento o tecido empresarial deste concello, representado no
documental por 18 empresas de diversos sectores.
XURDIR xa realizou proxectos similares noutros 20 concellos de Galicia, que xa viviron
actos similares, nestes últimos catro anos de percorrido continuo con esta novidosa
idea audiovisual.
Na noite da estrea e inmediatamente despois de rematar a proxección do Documental,
estará dispoñible un enlace para poder reproducilo a través das plataformas on-line.
