Até 150 mariscadores retiraron esta fin de semana 7 toneladas de lixo da ría de Noia, dende a zona de Boa ata a do Obre. A iniciativa forma parte do proxecto Econoia, organizado pola Confraría de San Bartolomé e a Consellería do Mar para a conservación e o mantemento da natureza.
Segundo a coordinadora do programa, Liliana Solís, “houbo que sacar unha gran cantidade de plásticos, de vidro e de téxtil, aínda que tamén se recolleron restos de cerámica”. Doutra banda, a bióloga sinalou que “faranse máis accións durante este mes de marzo”.
