O PBBI solicita mellorar a contorna da Pedra das Cabras e impedir que se converta nun vertedoiro

O Partido Barbanza Independiente (PBBI) presentou unha moción para o pleno de Ribeira relativa ao estado no que se atopa a contorna da Pedra das Cabras. En palabras da agrupación, “malia que o concello conta con varios lugares e espazos naturais de gran beleza, como o paseo do río Artes-Sanchanás, o paseo da beira do mar en Ameixida ou algún novo que se verá a luz en datas vindeiras, hai un lugar que adoece pese a ser un dos que máis historia atesoura do termo municipal: a Pedra das Cabras e os seus arredores”.

Esta contorna, sinala o PBBI, é un lugar que “nos transporta a hai máis de 4.000 anos, sendo co Dolmen de Axeitos un elemento de indubidable importancia histórica, ao que se engade o feito de estar situado nun espazo natural de gran beleza”. Malia isto, explican, “este lugar estase a converter nun vertedoiro sen control e nun sitio de certo perigo, onde moitas persoas consumen substanciais ilegais impedindo que a cidadanía de a pé poida desfrutar do entorno”. A isto, engaden os membros do PBBI, “súmase a falta de sinalización, pois a que existe atópase en pésimas condicións e na contorna máis próxima á propia pedra non se atopa ningunha lenda nin explicación do monumento”.

Estas son as propostas do partido para emendar o estado no que se atopa a Pedra das Cabras:

· É precisa unha sinalización correcta do entorno, así como sería ideal que preto da propia pedra

se puxera algún cartel de información cunha explicación do entorno e do petróglifo.

· Seria ideal a colocación de papeleiras ou cubos de lixo de pequeno tamaño para que os visitantes depositen ali as sus verteduras. Tamén sería axeitado, sinala o PBBI, que se valore impedir o paso de vehículos até o final da zona, “habilitando una zona de estacionamento” así como “unha ruta sendeirista para pasear, ademais de sinais disuasorios e maior vixilancia policial”.