O Campionato de España Master da Clase Internacional Laser (ILCA) desenvolverase en augas da ría de Muros e Noia do 3 ao 6 de xuño. O Real Club Náutico de Portosín será o organizador do programa, que traerá a Galicia a moitos apaixonados do deporte, e tamén a campións e campioas das diversas disciplinas regatistas, así como aos gañadores dos anteriores xogos olímpicos.
A cita, incluída no Calendario Nacional da Real Federación Española de Vela, vén co seguinte esquema de programación: unha xornada de medición (03 de xuño), máis tres xornadas competitivas (04,05 e 06 de xuño) a razón de tres probas puntuábeis por día, serán as necesarias para saber como quedará a repartición de metais e, por tanto, os novos campións e campioas de España ILCA Master nas súas dúas categorías de ILCA 6 e ILCA 7.
As categorías
A repartición de premios será segundo os establecido polos organismos oficiais tanto a RFEV como a Clase ILCA nos seus regulamentos internos, sendo un evento de categoría Master reservado ás franxas de idade de 35 a 65 anos nas súas denominacións Aprendiz Master, Master e Grand Master tanto en Masculino como en feminino
Representación galega
Contarase con máis dunha vintena de embarcacións sendo o anfitrión, o Real Club Náutico Portosín, o que poña en xogo unha mellor representación, destacando Javier Isidro, terceiro clasificado no Europeo Master 2019, Miguel Reboreda gañador do Ranking Autonómico 2019 ou Alfredo Mella, o representante local na edición do 2020.
