O alumnado de O Pote II, en Ribeira, achega almorzos solidarios a 15 persoas en risco

02 Marzo 2021

O obradoiro de cociña O Pote II, impulsado polo Concello de Ribeira para achegar á mocidade formación gastronómica e hostaleira con vistas a fortalecer a súa empregabilidade e os seus posíbeis proxectos de emprendemento, deu esta semana un novo e importante paso en materia de solidariedade. En concreto, as e os quince participantes do obradoiro están a levar os almorzos que elaboran na Escola Solidaria de Hostalería a quince persoas en situación de vulnerabilidade social.

O Concello explica que con esta acción dáse continuidade á iniciativa posta en marcha na primeira edición de O Pote e que o Departamento de Servizos Sociais (no marco do seu Programa Comunitario de Inclusión Social) é quen costea o transporte dos menús solidarios, dispoñendo de voluntariado das entidades Buenas Noticias e de ICE Renovación para o seu reparto entre os usuarios.

Outras actuacións que se porán en marcha ao longo do curso de O Pote II serán a elaboración de almorzos saudábeis, a celebración de eventos gastronómicos en actos tales como clausuras, recepcións ou exaltación de produtos do mar; xornadas de showcooking ou menús degustación.

Cómpre lembrar que o programa de emprego O Pote II comezou o 15 de novembro de 2020 e prolongarase ata o vindeiro 15 de novembro. É un programa mixto de emprego e formación dirixido a mellorar a empregabilidade, a cualificación e a inserción profesional de mozos e mozas incluídos no arquivo do Sistema Nacional de Garantía Xuvenil e está co-financiado polo Fondo Social Europeo e a Iniciativa de Emprego Xuvenil, nun 91,89% con cargo ó Programa Operativo de Emprego Xuvenil, sendo o financiamento restante con cargo á Xunta de Galicia.

Outros artigos

Incidencias en Ribeira coa limpeza de via e incendio en Boiro

Limpeza de vía por vertedura de aceite hidráulico dun tractor na DP-7503, no concello de Ribeira Os bombeiros do parque Provincial de Boiro acudiron esta mañá, arredor das 12:10 horas, a unha intervención por vertedura de aceite hidráulico dun tractor...

+

Ribeira presenta novos roteiros turísticos en bicicleta eléctrica

Este martes 8 de xullo, Francisco Suárez-Puerta, concelleiro de Turismo de Ribeira, anunciou a posta en marcha, nas súas palabras, “dun completo programa de roteiros deseñados para mergullarse na rica historia e cultura da nosa terra”. Estes itinerarios, engadiu,...

+

Publicidade

Castiñeiras

Revista en papel

Opinión

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.