O martes persistirá aínda certa inestabilidade atmosférica sobre Galicia. Polo tanto, o ceo presentará alternancia de nubes e claros, con nubes máis compactas na metade sur sen descartar algúns chuvascos na franxa atlántica. As temperaturas non terán cambios significativos. O vento soprará frouxo de compoñente sur.
Por outra banda a primavera meteorolóxica, que comezou este luns 1 de marzo e que se estenderá ata o 31 de maio, será algo máis seca do normal na metade oeste da Península e, en xeral rexistrará temperaturas ao redor dos valores habituais.
Altas presións de 1035 mb ao leste de Europa. Baixas presións de 1010 mb ao norte de África.
NO NOSO MAR: Vento do sur á mañá, do sudoeste á tarde e variable á noite, forza 2 a 3 á mañá e á tarde e 1 a 2 á noite. Mar ovellado á mañá e á tarde e mar rizado á noite. Visibilidade regular á mañá e boa á tarde e á noite. Mar de fondo do oeste, con ondas de 1 a 2 metros á mañá, 1.5 a 2.5 metros á tarde e 1.5 a 2 metros á noite.
Mareas
| Muros | ||
|---|---|---|
| Hora* | Altura | |
| Preamar | 05:59 | 4.1 m |
| Baixamar | 12:10 | 0.3 m |
| Preamar | 18:22 | 3.8 m |
| Vigo | ||
|---|---|---|
| Hora* | Altura | |
| Preamar | 05:50 | 4.0 m |
| Baixamar | 12:02 | 0.4 m |
| Preamar | 18:14 | 3.7 m |
| Vilagarcía | ||
|---|---|---|
| Hora* | Altura | |
| Preamar | 05:55 | 4.0 m |
| Baixamar | 12:07 | 0.3 m |
| Preamar | 18:18 | 3.8 m |
