Este venres 16, comezará con bancos de néboa en zonas do interior, ceos cubertos por nubes baixas na franxa norte de Galicia e nubes altas no resto do territorio. A medida que avance a xornada, a nubosidade irá a máis en toda a xeografía galega, dando paso a precipitacións a partir da tarde que terán maior probabilidade e incidencia no terzo norte.
Os termómetros rexistrarán un descenso xeneralizado, cunha caída máis acusada nas temperaturas máximas(23 graos). Pola súa banda, o vento soprará frouxo de compoñente nordés durante a primeira metade do día, mais irá gañando forza conforme se achegue a noite, momento no que se prevén intervalos moderados no interior e refachos fortes no litoral.
O noso mar: Vento do norte á mañá, do nordés á tarde e do nordés á noite, forza 2 a 4 á mañá, 3 a 4 á tarde e 5 a 6 á noite. Marusía á mañá e á tarde e forte marusía á noite. Visibilidade boa. Mar de fondo do noroeste, con ondas de 1.5 a 2.5 metros.
