Este ano non haberá un gran salón como anos anteriores, pero a Asociación de Empresarios de Ribeira realizará unha exposición automobilística e diversas actividades na novena edición da Feira de Oportunidades e Pequeno Comercio, co fin de impulsar a actividade comercial tras a crise da COVID–19.
Así, expoñeranse media ducia de vehículos, de distintas marcas, para difundir as novidades automobilísticas e promover os concesionarios que hai no municipio. Por outro lado, terá lugar o mercado tradicional de inverno, no que participarán 8 establecementos comerciais, de roupa, de calzado, de deportes e complementos.
Nesta ocasión, a 9º Edición da Feira de Oportunidades do Pequeno Comercio farase na praza do Concello e estará aberta dende hoxe ata as 20:00 da tarde do domingo.
