O Concello de Ribeira deu luz verde aos expedientes de contratación de oito actuacións que se van executar en sete parroquias do municipio, sumando un investimento total de 707.492 euros. Nos vindeiros días darán comezo as aperturas dos distintos prazos de presentación de ofertas por parte das empresas interesadas en executar estas obras, todas elas enmarcadas en distintos Plans Provinciais de Obras e Servizos (POS).
Trátase de :
1. Renovación servizos en Rúa do Vilar (Palmeira) : 134.602 €
2. Segunda fase da execución de beirarrúas na estrada AC-550 no treito da Gándara (Oleiros): 56.611’12 €
3. Pavimentación de camiño en Sego (Artes): 30.719 €
4. Renovación servizos na rúa das Américas (Aguiño): 182.934,89 €
5. Pavimentación de camiño en Gándara (Artes): 34.413,63 €
6. Pavimentación e renovación servizos na rúa Falcato e travesía (Corrubedo): 76.133,13 €
7. Pavimentación da praza Amarella (Ribeira): 58.464,19 €
8. Renovación da liña de abastecemento da estrada DP-7305 (Carreira): 133.614,08 €
Outras catro obras licitadas
Todas estas intervencións súmanse a outras catro actuacións pertencentes ao POS que están agora mesmo en período de presentación de ofertas e que suman outros 432.671,35 euros, o que eleva o investimento global desbloqueado nestas últimas semanas a 1.140.163 euros.
Son o acondicionamento do entorno do conservatorio de Aguiño (49.471,12 €), a pavimentación da rúa Romero Ortiz en Ribeira (164.161,24 €), a instalación de beirarrúas e pluviais na Ameixida en Castiñeiras (70.491,20 €) e a renovación da liña de abastecemento no Lugar da Mámoa (148.547,79 euros).