O actor, autor e narrador Avelino González vai poñer o colofón ao ao programa de monólogos impulsado este mes de marzo no Elma polo Concello da Pobra. Farao con Contos que foron chistes, este domingo 28, ás 19.00 horas.
Neste monólogo cóntanse moitos chistes con que hoxe rimos, pero que son unha adaptación de contos vellos. “A función é rir e facer rir”, sinala a Concellaría da Cultura da Pobra do Caramiñal, entidade organizadora do espectáculo en colaboración coa Rede Cultural da Deputación da Coruña. A dita actividade de balde transcorrerá seguindo as medidas establecidas por mor da COVID-19.
A reserva de entradas débese efectuar na Casa da Cultura e Xuventude Raquel Fernández Soler ou a través do teléfono de contacto 981 831 545.
