Accidente múltiple en Porto do Son deixa tres feridos

Remitida

Un accidente múltiple á altura da Carballosa en Porto do Son con tres coches implicados deixou tres persoas que tiveron que ser trasladadas ao hospital de Barbanza.

Un dos coches, que circulaba en dirección a O Son freou e outro turismo encaixouse por detrás, invadiu o carril contrario e chocou contra o terceiro vehículo que circulaba en dirección contraria.

Ao lugar acudiron Urxencias Médicas, a Garda Civil de Tráfico e a Garda Civil, a Policía Local e Protección Civil de Porto do Son. Dous dos coches quedaron na vía e o terceiro saíuse, acabando nunha leira.