A sección segunda da Audiencia Provincial da Coruña celebrará os días 24 e 25 o xuízo contra dous acusados de agredir a unha persoa durante unha pelexa multitudinaria, que tivo lugar nas inmediacións do porto de Portosín, segundo informa o Tribunal Superior de Xustiza de Galicia.
Para cada un deles, e por un delito de lesións, a Fiscalía pide catro anos de cárcere. No seu escrito de cualificación sostén que, sobre as catro da madrugada do 18 de agosto de 2013, nas proximidades do porto, “iniciouse unha pelexa tumultuaria entre un nutrido grupo de persoas”.
Ademais, indica que, no transcurso da mesma, un dos acusados, “con ánimo de atentar contra a integridade física” da vítima golpeoulle na cara cun obxecto de cristal. Tras fuxir de lugar e facer unha parada, a outra acusada, indica o Ministerio Púbico, tamén lle agrediu cun obxecto de cristal na cara.
A Fiscalía solicita que os acusados indemnicen, de maneira conxunta e solidaria, á vítima nas cantidades de 23.000 euros por incapacidade e curación, 43.335 euros polas secuelas e 14.000 euros polas secuelas estéticas producidas.