Só queda xa un positivo na residencia de Ribeira. Sen positivos no cribado do comercio local

Un dos empregados que se contaxiou na Residencia de Maiores de Ribeira recibiu a alta, segundo informou a Consellería de Política Social. Era o último que quedaba por curarse.

Segundo os datos facilitados hoxe permanece aínda como positivo un dos residentes que fora trasladado ao Centro Galego de Desenvolvemento Integral ( Cegadi).

A boa nova tamén era coñecida hoxe pola área sanitaria Santiago- Barbanza. O cribado realizado o domingo no Hospital do Barbanza a 210 traballadores/as dos comercios de Ribeira cunha participación do 92,58% dou como resultado 0 positivos.