Repartidas 2.500 mascarillas en centros de infantil e primaria de Ribeira

Dando cumprimento a un acordo plenario o Concello vén de distribuír un total de 2.500 mascarillas entre todos os centros de infantil e primaria do municipio ribeirense para a súa distribución entre aqueles alumnos e alumnas en situación de vulnerabilidade social.
O reparto tivo lugar a través da Concellería de Educación e foi efectuado ao longo da pasada semana, entregando este material aos distintos responsables dos centros para que o fagan chegar a estudantes con dificultades á hora de dispoñer destes elementos de autoprotección.