O PSOE de Ribeira avoga por coordinar as axudas COVID da Xunta, as deputacións e os concellos

01 Febreiro 2021

Os socialistas de Ribeira, a través do seu concelleiro José Manuel Suárez-Porta, presentou para ser tratada en pleno unha proposta relativa á necesidade de poñer en marcha medidas colaborativas e coordinadas entre as institucións galegas que axuden ás medianas e pequenas empresas, principalmente do sector hostaleiro pero tamén doutros sectores (como o turístico, o do lecer, o de actividades recreativas e o cultural), a recuperarse dos importantes embates da crise sanitaria e económica.

“As dificultades son de especial importancia entre aquelas empresas e autónomos que ven limitada a súa actividade polas restricións derivadas da pandemia, xa sexa a través de limitacións de aforamentos, redución de horarios ou limitacións de espazos operativos para o normal desenvolvemento da súa actividade”, explica o grupo socialista, poñendo o foco nos posíbeis beneficios que tería a posta en marcha dunha mesa de coordinación entre as diferentes administracións, “tal e como foi solicitada hai nove meses polo presidente provincial ao presidente da Xunta”, recordan. Esta mesa, din, “tería o obxectivo de traballar de forma coordinada para evitar duplicidades nas axudas e facelas máis eficientes para os sectores económicos que máis sufriron (e seguen sufrindo) as medidas restritivas que, desgraciadamente, houbo e hai que seguir adoptando”.

Para os socialistas, “resulta evidente que a adopción das medidas necesarias para protexer a saúde da cidadanía debe ser unha prioridade, pero non por iso podemos perder de vista que, ao adoptarse estas medidas, prexudicamos a economía de centos de familias cuxos únicos ingresos dependen da súa actividade laboral ou económica”.

Polos motivos devanditos, o PSOE de Ribeira solicitará en pleno ao Concello que inste á Xunta para que “dende o diálogo e o respecto á autonomía local, acorde coas deputacións provinciais e os concellos un plan de rescate para os sectores da hostalaría e o turismo no que estas administracións participen do seguinte modo: que a Xunta, as Deputacións e os Concellos de máis de 20.000 habitantes acheguen o 1% dos seus orzamentos, achegando os restantes municipios cantidades cuxo importe se calcule de xeito proporcional ao peso dos sectores máis afectados en cada territorio local”.

Outros artigos

Publicidade

Revista en papel

Opinión

“Para vivir ben, Galicia!”. Luís Celeiro

“Para vivir ben, Galicia!”. Luís Celeiro

A morte, se pensas nela, se recordas ao amigo no cadaleito camiño cara ao máis alá ou seves ao teu pai deitado caladamente nun féretro de madeira nobre, diante dunha multitudede xente chorando, a morte -dicimos- fai estremecer a alma dos vivos, fai que se apague aluz...