O GAEM de Ribeira desenvolveu en 2020 un total de 411 intervencións

08 Febreiro 2021

O Concello de Ribeira fixo balance este luns da intensa actividade xerada polo Grupo de Apoio e Emerxencias Municipal de Ribeira (GAEM) ao longo dun ano tan complexo como o que vimos de deixar atrás. Segundo fixo saber, o grupo realizou en 2020 un total de 411 intervencións, unha cifra que, en palabras do Concello, pon ao GAEM local “á altura dos servizos de emerxencias máis activos de Galicia”.

Así se explicou durante a presentación da nova dotación de material que o Concello vén de recibir da Xunta de Galicia a través da Consellería de Presidencia: concretamente unha furgoneta subvencionada pola Dirección Xeral de Administración Local e unha tenda de campaña que servirá como posto de mando avanzado ou PMA (subministrada pola Dirección Xeral de Emerxencias e Interior).

O alcalde de Ribeira, Manuel Ruiz Rivas, quen estivo acompañado do concelleiro de Seguridade Cidadá Víctor Reiriz e de integrantes tanto do GAEM como da Agrupación de Voluntarios de Protección Civil, manifestou que “as intervencións máis elevadas tiveron que ver coa asistencia a accidentes de tráfico e outras incidencias na circulación, a recollida de animais; e a participación en operativos planificados: especialmente os relacionados coa COVID, como por exemplo distribución de máscaras de protección, desinfeccións, reparto de medicamentos entre persoas confinadas, control de mercadiños, etc”. Segundo engadiu, entre estas tres modalidades sumáronse máis de 300 intervencións, en tanto que outras 40 tiveron que ver coa colaboración na extinción de incendios.

Ruiz Rivas salientou o acerto de “crear no seu día a nivel municipal un grupo de emerxencias propio para atender toda clase de incidencias e axudar dende o ámbito das súas competencias a contar cun municipio máis seguro”.

Outros artigos

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...