“A vida quer ser azul”. Antón Luaces

03 Febreiro 2021

Velaí a etiqueta imperante hoxendía no sector pesqueiro: Economía Azul. Atrae a atención sobre todas as actividades económicas que dependen do mar. Os diferentes sectores que integran este (pesca, biotecnoloxía acuícola e mariña, turismo, navegación e transporte marítimo, entre outros) son interdependentes porque se basean en competencias comúns e en infraestruturas compartidas (portos, redes loxísticas e distribucións eléctricas) e na distribución sustentable dos recursos minerales mariños e a biotecnoloxía azul, conforman outra xeira de ámbitos prioritarios relacionados co actualmente tan barallado crecemento azul.​Este, o Crecemento Azul, ven ser unha estratexia a longo prazo que apoia o crecemento sustentable dos sectores mariño e marítimo, recoñece a importancia dos mares e océanos como motores da economía europea polo seu gran potencial para a innovación e o crecemento, e ten o seu fundamento na Estratexia Europa 2020 edificada sobre o crecemento intelixente. sustentable e integrador como xeito de superar  as deficiencias estruturais da economía europea, para mellorar a súa competitividade e produtividade e, á vez, sustentar unha economía social de mercado sostible, sendo un dos seus obxectivos o fomento da investigación e desenvolvemento económico (I+D).
España subscribe plenamente estas formulacións económicas e aposta decididamente por tal crecemento azul, e xa puxo ao dispor do sector un servizo de busca de financiamento de proxectos relacionados coa pesca e a acuicultura (sí, tamén a acuicultura), así como coa transformación e comercialización dos produtos de ambas, especialmente aqueles que teñen que ver coa tantas veces citadas sustentabillidade dos océanos  e de crecemento azul, bases das políticas europeas referentes a este sector.Pero, desgraciadamente, a Economía Azul e todas esas outras etiquetas desta cor que se outorgan ao crecemento, a enerxía azul, a acuicultura, a biotecnoloxía azul, o turismo marítimo, etc., esquecen o esencial: ao pescador e ao cambio climático que está a trasladar cada vez máis ao Norte especies que permiten -agora cada vez menos- a existenza dunha frota que en Galicia denominamos de baixura por estar a súa práctica máis ou menos perto dos portos base da devandita frota ou, cando menos, dos portos de venda das capturas (por certo, cada vez máis adicados á mariña deportiva) e que ata o de agora dependían de pesqueiras cada vez máis lonxanas dos milleiros de familias que viven das distintas artes que se utilizan precísamente grazas a esa proximidade que agora se perde porque o cambio climático leva cada vez máis ao Norte a nosa humilde xarda e, aos do norte de Europa, as súas tradicionais capturas de bacallao, arenque, etc. arriba, máis arriba. Tocante ós tripulantes, cada vez son máis os estranxeiros e menos os nacionais, polo que semella que non preocupa en demasía que non se conte maiormente con eles: xa virán de África, de Asia, de onde reclamen menos diñeiro e calen máis.

Outros artigos

Este venres entrégase en Rianxo o Premio Muller Salgada 2024

Mulleres Salgadas entregará o vindeiro venres día 28 de xuño o seu Premio Muller Salgada 2024. O acto, que conta coa colaboración do Concello de Rianxo, terá lugar ás 18.30 no Auditorio de Rianxo (A Coruña). A orixe do galardón A cultura do esforzo xeneroso,...

+

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....

+

“Medallas Castelao”. Alberto Barciela

A Medalla Castelao é unha condecoración civil outorgada polo Goberno de Galicia. Proponse distinguir a obra artística, literaria, intelectual ou calquera outro tipo de obra dunha distinguida personalidade galega. Foi creada en 1984 con motivo da volta a Galicia dous...

+

Publicidade

Revista en papel

Opinión

“¿Qué es la vejez?, pros y contras” – Manuel Domínguez

“¿Qué es la vejez?, pros y contras” – Manuel Domínguez

La vejez es el abandono de la juventud, pero tampoco así es muy cierto ya que hay jóvenes viejos. La doble foto que muestro es de los actores Anouk Aimée y Jean Luis Trintignant, del film, “Un hombre y una mujer”, la inferior 50 años después, titulada” Los años mas...