Os parques e praias do Son serán cen por cen accesíbeis

04 Xaneiro 2021

A vila de Porto do Son quere ser un espazo urbano máis humanizado e máis accesíbel, libre de atrancos para usuarios de cadeiras de rodas e, en xeral, para persoas con diversidades funcionais. Para este obxectivo, que se deixa notar especialmente na reforma da fachada marítima, arestora en desenvolvemento, o Concello está a contar coa colaboración da confederación galega COGAMI, entidade presidida polo sonense Anxo Queiruga.

Este traballo conxunto destinado a ceibar a vila de atrancos á mobilidade está a día de hoxe na súa terceira fase, un treito do camiño que inclúe (entre outras cousas) a posta a punto dos accesos a parques infantís e biosaudábeis, a espazos de lecer e, tamén, ás praias do concello.

A través desta colaboración, o Concello tira proveito da ampla bagaxe de COGAMI en materia de accesibilidade (que conta cun servizo personalizado de asesoramento), unha experiencia que se prevé deixe fonda pegada na reforma do porto sonense, onde unha das prioridades é garantir o libre movemento de todos os colectivos dende o centro urbano propiamente dito até o borde portuario, dúas contornas que estarán conectadas cunha plataforma única de prioridade peonil (a proliferación de elementos humanizados e a necesidade de establecer as mellores conexións posíbeis motivou o interese do Concello por contar coa supervisión de COGAMI).

Outros artigos

Este martes 15 de xullo comezan as Festas do Carmen de Baroña

Esta semana, entre o martes 15 de xullo e o xoves 17, vanse celebrar en Baroña (Porto do Son) as Festas do Carme, organizadas pola Comunidade de Montes de Baroña en colaboración co Concello e a marca Azul de Portosín da Confraría de Pescadores de Portosín. A axenda...

+

Publicidade

Castiñeiras

Revista en papel

Opinión

“Odio e fascismo” – José Manuel Pena

“Odio e fascismo” – José Manuel Pena

En numerosos pobos e cidades de España e Europa están orgullosos da presenza de familias de inmigrantes, procedentes de países onde non teñen ningún tipo de oportunidade de poder vivir decentemente. Persoas e familias que chegan en busca dunha oportunidade de...

“Carta á alcaldesa de Santiago”.  José Luís Calo

“Carta á alcaldesa de Santiago”. José Luís Calo

Estimada Alcaldesa de Santiago de Compostela: Goretti Sanmartín Rei.Escríbolle en relación coa polémica da concesión á Princesa Leonor de Borbón eOrtiz da Medalla de Galicia, na que vostede se botou atrás e renunciou a representará cidade de Santiago. Un cargo público...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.