O POS abordará a humanización do primeiro tramo da Avenida Rosalia de Castro de Ribeira
A Corporación municipal de Ribeira vai celebrar o vindeiro martes 2 de febreiro un pleno extraordinario no que se abordarán entre outros puntos a aprobación do POS da Deputación Provincial da Coruña.
Este plan, segundo explica o Concello, inclúe a execución dun total de dez obras repartidas nas nove parroquias do municipio por unha contía global de 1.230.854,73 euros, a inclusión doutras cinco actuacións como POS complementario por valor de 721.467,51 euros, ademais da amortización de débeda por valor de 102.992,20 euros.
A relación de actuacións contempladas no plan (a maior parte delas parten da previa aprobación plenaria de diferentes mocións) é a seguinte:
1. Pavimentación, saneamento e abastecemento en Braña do Muro (Aguiño): 133.104,94 €
2. Instalación de saneamento e abastecemento no lugar de Lombas (Palmeira): 206.774,49 €
3. Pavimentación, pluviais e saneamento nas rúas Chaprado e Ceboleira (Corrubedo): 92.687,79 €
4. Instalación de rede de saneamento con pozo de bombeo no lugar de Canabeiro (Oleiros): 134.377,47 €
5. Rede de pluviais en Outeiro (Artes): 31.515,53 €
6. Pavimentación e renovación das redes de auga potable e pluviais na rúa Luis Pimentel (Aguiño): 98.489,96 €
7. Pavimentación, pluviais e saneamento na rúa da Chouza (Castiñeiras): 59.915,98 €
8. Saneamento, pavimentación e abastecemento no lugar de Frións (Carreira): 154.081,94 €
9. Pavimentación da rúa Rosalía de Castro dende o cruce de Marcial del Adalid ata o cruce da rúa Irmandiños (Ribeira): 217.900,30
10. Saneamento no lugar de A Cucheriza (Olveira): 102.006,33 €
En canto ao POS complementario:
1. Pavimentación e rede de pluviais dende a igrexa parroquial de Artes ata o Museo do Gravado (Artes): 161.142,60 €
2. Ampliación e renovación do parque infantil de Pedra Pateira (Ribeira): 171.831,47 €
3. Instalación de rede de saneamento e abastecemento no lugar de Sampedro (Palmeira): 130.919,88 €
4. Pavimentación do camiño Vilar-Vixán (Carreira): 67.808,56 €
5. Pavimentación e renovación da rede de auga potable e pluviais na rúa Celso Emilio Ferreiro (Aguiño): 189.765,00 €
