Aprobada a clasificación das ofertas para as beirarrúas e pluviais en Cubeliños

O Concello de Ribeira aprobou a clasificación das ofertas, anteriormente denominada “adxudicación provisional”, para a dotación de beirarrúas e canalización de augas pluviais a unha zona do barrio de Cubeliños de Ribeira.

A empresa seleccionada, de entre as 28 propostas presentadas, foi Abootec Promociones Gestiones Inmobiliarias, S.L.. Nun prazo de sete días hábiles a empresa deberá presentar a documentación requirida para a realización da obra, que suporá un investimento de 54.092,71 euros.

A actuación mellorará a accesibilidade e a seguridade viaria na zona en cuestión mediante a construción dunha beirarrúa de 2 metros de ancho e 330 metros de longo. Ademais, será instalada unha rede de pluviais formada por 255 metros de tubo de PVC con 315 milímetros de diámetro, 8 pozos de rexistro e 11 arquetas.