O Concello de Ribeira informa de que desde este domingo principia o prazo para quetodas as persoas interesadas poidan presentar as súas propostas
para dous dos certames de Nadal organizados: o concurso de decoración de fachadas, balcóns e xardíns e o concurso de decoración de locais hostaleiros e escaparates.
No primeiro dos certames, cómpre enviar entre mañá e o 20 de decembro unha fotografía coa decoración de Nadal a culturaefestexos@ribeira.gal xunto coa ficha de datos cuberta que se pode descargar na páxina web www.ribeira.gal. Todas as creacións publicaranse na páxina de facebook do EntérateCulturaFestexos e as tres máis votadas ata o 8 de xaneiro serán premiados con 300, 210 e 120 euros en vales de compra no comercio local. As decoracións deberán seguir expostas dende o 19 de decembro ata o 6 de xaneiro.
Polo que se refire ao concurso de escaparatismo e decoración da hostalería establécense tres premios por modalidade de 300, 200 e 100 euros. Os participantes tamén deberán enviar unha fotografía coa súa decoración coa ficha de datos cuberta, neste caso a turismo@ribeira.gal, do 13 ao 20 de decembro.Ao igual que no caso anterior, serán colgadas no facebook do Entérate e recibirán gústames ata o 8 de xaneiro para escoller ás tres galardoadas encada categoría.
Moción do Partido Popular de Ribeira sobre vertedoiros incontrolados
Nos últimos meses, o Grupo Municipal Popular de Ribeira observou un aumento preocupante de entulleiras incontroladas no municipio, o que constitúe un serio problema tanto ambiental como de saúde pública, ademais de afectar negativamente a imaxe da nosa cidade é por...