A borrasca Bela fíxose notar na comarca de Barbanza con refachos de vento que alcanzaron os 100 quilómetros por hora sen que causaran incidentes importantes.
Os equipos de emerxencias tiveron que retirar ramas e recolocar contedores movidos, mentres que unha árbore derrubada en Abanqueiro e un arco da iluminación do Nadal caída no centro de Boiro, concretamente na zona de Cimadevila foron os contratempos máis significativos do temporal.
Así mesmo, o vento tamén tirou cableado do tendido telefónico en varios puntos do concello boirense como en Bealo, Cespón, Garamelo-Xaramelo o que obrigou a desprazar persoal do grupo de emerxencias de Boiro, os bombeiros e a Policía Local.
