O Concello da Pobra estrea un audiovisual para combater a violencia de xénero: As mulleres falan

25 Novembro 2020

O Concello da Pobra do Caramiñal, a través da Concellaría da Igualdade, estreou ás 21.00 horas da xornada de onte o vídeo de sensibilización arredor do 25-N, As mulleres falan, con motivo do Día Internacional da Eliminación da Violencia contra a Muller. Nesta peza audiovisual de algo máis de 12 minutos de duración, vinte mulleres da Pobra con distintos perfís responden preguntas ao redor desta data, o seu significado e importancia.

No vídeo achegan as súas visións persoais sobre a necesidade de conmemorar a celebración do 25-N, sobre se viviron ou non situacións de comportamento machista, sobre cales pensan que son as causas de que siga existindo esta lacra social por parte dos homes, ou sobre as cousas que lle dirían a unha muller que estea a pasar por unha situación de violencia machista.

Esta acción enmárcase na programación impulsada pola Área da Igualdade co obxectivo de concienciar sobre a violencia de xénero para sensibilizar, previr e educar á cidadanía coa finalidade de erradicar unha praga social que afecta toda a poboación. Concretamente, entre as actividades que se desenvolveron no mes de novembro figuran o obradoiro Dixitalizad@s. Eliminando a fenda dixital de xénero, a sexta edición das Xornadas Muller e Ciencia, o II Foro Muller e Liderado e o III Concurso de Relatos Breves Historias de Mulleres.

Cómpre lembrar que o Concello adheriuse neste 2020 a De Fronte á violencia de xénero, a nova campaña impulsada pola Deputación da Coruña na que colaboran máis de medio cento de concellos da provincia. Ademais, a Administración local fai parte da campaña En negro contra as violencias, á cal leva adherida varios anos.

Outros artigos

Eliminado un punto de vertido de augas residuais na Pobra

Augas de Galicia (Xunta) contribuíu a eliminar un punto de vertido de augas residuais de carácter municipal na parroquia de Santa María A Antiga, no concello da Pobra do Caramiñal. O persoal do Programa de Control de Vertidos constatou esta anomalía no transcurso dos...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...