O incremento dos positivos en covid-19 rexistrado en Boiro nos últimos días levou ao goberno local a tomar unha serie de medidas para previr a aparición de máis casos. O goberno de Boiro decidiu aprazar o pleno ordinario que estaba previsto que se celebrase esta tarde, unha sesión que queda en suspenso ata novo aviso.
Os datos da Consellería de Sanidade confirman que o municipio segue no nivel tres de alerta pola Covid.
Mentres aumentou o labor de limpeza e desinfección de espazos públicos, con maior incidencia nas zonas de mais afluencia de persoas como núcleos das parroquias, supermercados, comercios e marquesiñas de autobús e o perímetro dos recintos educativos e o centro de saúde.
O Concello recoménda á cidadanía que priorice a atención telefónica ou telemática e que só acuda ás instalacións do Concello en casos de necesidade e sempre con cita previa e respectando as medidas de seguridade.
